𝐘𝐨𝐮𝐬𝐮𝐟 𝐌𝐚𝐡𝐚𝐦𝐨𝐮𝐝 𝐚𝐢𝐛𝐮𝐤𝐚 𝐦𝐬𝐡𝐢𝐧𝐝𝐢 𝐤𝐚𝐭𝐢𝐤𝐚 𝐮𝐜𝐡𝐚𝐠𝐮𝐳𝐢 𝐰𝐚 𝐌𝐰𝐞𝐧𝐲𝐞𝐤𝐢𝐭𝐢 𝐰𝐚 𝐔𝐦𝐨𝐣𝐚 𝐰𝐚 𝐀𝐟𝐫𝐢𝐤𝐚, 𝐑𝐚𝐢𝐥𝐚 𝐎𝐝𝐢𝐧𝐠𝐚 𝐚𝐤𝐮𝐛𝐚𝐥𝐢 𝐤𝐮𝐬𝐡𝐢𝐧𝐝𝐰𝐚!

Katika uchaguzi wa kutafuta mwenyekiti mpya wa Umoja wa Afrika, ushindani mkali ulizuka kati ya wagombea watatu: aliyekuwa Waziri Mkuu wa Kenya, Raila Odinga; Waziri wa Masuala ya Kigeni wa Djibouti, Yousuf Mahamoud; na mwenzake kutoka Madagascar, Richard James.Kura zilipigwa Jumamosi, tarehe 15 Februari, 2025, jijini Addis Ababa, Ethiopia.

Katika mchakato wa awali, Raila Odinga aliongoza kwa kura 22, huku Yousuf Mahamoud kutoka Djibouti akijizolea kura 19. Hata hivyo, Mahamoud alimbwaga Odinga katika msururu wa saba, ambapo alipata kura 33 dhidi ya 22 za Odinga.Raila Odinga, kiongozi wa upinzani, alikubali kushindwa kwa mara ya kwanza katika kinyang’ anyiro hicho, na alimpongeza Yousuf Ali Mahamoud kwa kuchaguliwa kuwa mwenyekiti mpya wa tume ya Umoja wa Afrika. Aidha, Raila alisema atarejea nchini Kenya na kuendelea na majukumu yake kama kiongozi wa upinzani, akiahidi kuwa kuna mengi ambayo atatimiza wakati huo.

Rais William Ruto alizungumzia uchaguzi huo kwa mara ya kwanza, na aliungana na viongozi wengine kumpongeza Yousuf Ali Mahamoud kwa ushindi wake.Hata hivyo, baadhi ya wananchi walionyesha kutoridhika na matokeo ya uchaguzi huo.Kushindwa kwa Raila Odinga kulisababisha baadhi ya Wakenya kumhimiza arudi nyumbani ili kuendeleza harakati zake za kupigania haki za wananchi. Wengine walimshauri kujitosa tena katika kinyang’anyiro cha urais mwaka 2027.