𝐔𝐩𝐢𝐧𝐳𝐚𝐧𝐢 𝐖𝐚𝐩𝐚𝐧𝐠𝐚 𝐌𝐮𝐮𝐧𝐠𝐚𝐧𝐨 𝐌𝐩𝐲𝐚 𝐰𝐚 𝐊𝐢𝐬𝐢𝐚𝐬𝐚 𝐊𝐮𝐟𝐢𝐤𝐢𝐚 𝟐𝟎𝟐𝟕!

By Felix Wanjala .

Hisia mseto zinazidi kutolewa kuhusu muungano mpya wa upinzani unaopaniwa kuundwa ili kumenyana na rais William Ruto kwenye uchaguzi mkuu wa mwaka wa 2027.

Baadhi ya wananchi wanawataka viongozi wa upinzani kushirikiana kwa pamoja ili kuafikia malengo hayo.Aidha baadhi ya wananchi wanampendekeza aliyekuwa waziri wa usalama wa ndani kwenye serikali ya rais mstaafu Uhuru Kenyatta,Daktari Fred Matiang’i, kupewa tiketi ya kupeperusha bendera ya Urais kwenye uchaguzi ujao.

Wakaazi hao wamemsuta rais William Ruto kwa madai kwamba aliwafeli wakenya baada ya kushindwa kutimiza Baadhi ya ahadi alizotoa wakati wa kampeni zake.Hata hivyo,baadhi yao walipuzilia mbali juhudi za muungano huo, wakidai kuwa vigogo wake walikuwa maafisa wakuu serikalini na walishindwa kutekeleza wajibu wao ipasavyo.

Hapo jana, viongozi wa upinzani walikutana nyumbani kwake aliyekuwa naibu wa rais Rigathi Gachagua katika eneo la wamunyoro eneo bunge la Mathira kaunti ya nyeri na hapa waliahidi kufanyia kazi pamoja.

Waziri wa zamani Fred Matiang’i aliahidi kuwa iwapo atateuliwa kupeperusha bendera na kuchaguliwa kama rais, atahakikisha amerejesha imani ya wakenya dhidi ya serikali.Viongozi hao pia walitoa onyo kwa baadhi ya viongozi waliodai wanamshambulia rais mstaafu Uhuru Kenyatta kutokana na matamshi yake kwamba vijana wajitokeze kupigania haki zao.